اسهل واضمن اسلوب ربح للمبتدئين - الضغط مقابل الربح

السلام عليكم هنتكلم النهارده عن شركات الربح من الضغط علي الاعلانات
الربح من الانترنت: الجملة دى مبقتش خيال لان ببساطة الانترنت اصبح المكان الاكبر في العالم اللي بيجمع كل الجنسيات 
الشركات الربحية المجانية (شركات الربح من الضغط على الاعلانات):هى جزء بسيط جدا من منظومة الربح من الانترنت الا انها الاسهل بين جميع الطرق وغالبا بتكون هواية اكتر من طريقة عملية للربح وانت بعد ماتكتسب خبره تقدر تضاعف ارباحك لعده اضعاف
تعريفها:هى شركات بيكسب منها المشترك عن طريق مشاهده الاعلانات بالضغط عليها
فكرتها: لو كنت صاحب منتج معين وعايز اعلان عن المنتج فلازم تلجئ لوسيلة لتوصيل الاعلانات للمستهلكين او للزباين زي اعلانات التلفزيون مثلا فشركات الضغط بتمثل الوسيط بين المعلن والجمهور الا انها بتختلف عن غيرها فهى بتدفع للمستهليكن مقابل مشاهده الاعلانات بالضغط عليها واحنا الجمهور ده بكل بساطة
الخلاصة: الشركة بتاخد فلوس من المعلنين فتعرض اعلاناتهم واحنا نتفرج علي الاعلانات ونضغط عليها فالشركه تدفع لنا مقابل الضغطات دى

طب هل المكسب بيجي بس من الضغطات؟
ثمن الضغطة الواحده مش بيزيد عن 1 سنت
الاعلانات المتوفره علي مدار اليوم 4 اعلانات يعني 4 سنت في اليوم وده مكسب قليل اوووووى لكن ممكن تكسب فلوس عن طريق الريفيرال الخاص بك
دلوقتي اللي بيدور فى دماغكوا ايه هو الريفيرال ده؟
دول الاشخاص اللي بيشتركوا فى الشركة من خلالك يعنى انت بتجيب اشخاص للاشتراك فى الشركة عن طريقك فالشركة بتديك مكسب علي الاشخاص دول وغالبا بيكون سعر ضغطة الريفيرال نص سعر ضغطتك انت (للعضوية العادية) 

ملحوظة: المكسب اللي بتكسبه من ضغطات الريفيرال مش بينقص منهم شئ ولا بيأثر عليهم بالمرة عشان كده ديما حاول ان لما تشترك في اي شركة ربحيه اشترك عن طريق حد بالبلدى نفع واستنفع

مثال للتوضيح: انت دلوقتي اشتركت في احد المواقع وسعر الضغطه 1 سنت وسعر ضغطه الريفيرال نص سنت
وعدد الاعلانات اليومي 4 اعلانات = 4 سنت
نفرض انك عملت دعوة لاشخاص وكانو مثلا 50 ريفيرال نفرض انهم بيضغطوا علي الاعلانات يوميا يكون 
هنا مكسبك = مكسب ضغطاتك + مكسب ضغطات الريفيال 
يعني مكسبك اليومى= 4 سنت + 1 دولا =1.04 $
يعني مكسبك الشهري =1.04 * 30=31.2 $
ده مجرد مثال ممكن تجمع ريفيرال اكتر او اقل 
وفي كمان ريفيرال من نوع اخر اسمهم الريفيرال المستأجر وهم عباره عن اشخاص بتأجرهم من الشركة لمدة معينه مثلا شهر وتكسب من ضغطاتهم وبتختلف اسعار الايجار من شركة للتانية

هنا نوصل للمتطلبات اللي تحتاجها عشان تبدأ مجال الربح 
1- بريد الكترونى(ايميل)
2-فتح حساب في احد البنوك الالكترونية واشهرها بنك ألرت باى (بيزا حالياً) أو بنك الليبرتى أو ممكن تفتح حساب فـ كل واحد فيهم
فايده البنوك دى انك هتسحب مكسبك منها 

طب اية هى الشركات اللي تشترك فيها ؟
في الحقيقة الشركات كتييير لكن لازم تختار افضلها واصدقها فى الدفع

دى مؤشرات بتدل علي عدم مصداقيه الشركة
1-بتدى اكتر من 1 سنت للضغطة
2-الشركات اللي مفيهاش منتدى بنسبة كبيرة بتكون نصابة بس عموما مش ديما
3 - شركات حدها الادنى للسحب كبير مثلا 50 دولار

كمان في نصايح وارشادات مهمة جدا لازك تتبعها.
1- لازم تأمن الايميل بتاعك بعمل باسوورد قوى جدا مكون من 8 حروف لـ12 حرف او اكتر 
2-تأمين حسابك فى البنوك بباسورد قوى بردو.
3- يفضل ان ميكونش الباسوورد هو هو في كل الشركات اللي بتشتغل فيها وليك فيها فلوس كتير فيفضل ان يكون لكل منها باسوورد مميز.
4- اعمل ملف تكست (Text) لحفظ جميع البيانات عشان متنسها زي مثلا بيانات الايميل - البنوك - الشركات وتقوم بتعدل الملف كل ماتقوم بتغيرات.
5- يفضل انك تستخدم متصفح فايرفوكس.
6- اعمل قائمة مفضلة فى الشركات الربحية وقوم بالعمل في جميع الشركات في وقت واحد عشان توفر وقت ومجهود. 
7- من الطبيعي لازم يكون عندك برنامج انتى فيرس وده اهم شئ في مجال الربح لان بتحصل تجسسات وسرقات كتير للحسابات عن طريق الاختراق.
8- متشتركش مثلا في 30 شركة فمتقدرش تشتغل في الـ30 فمتحققش الربح المطلوب.
9- لما تحب تجذيب الريفيرال لازم تعمل موضوع يشد جامد جدا عشان الريفيرال بيحدد مستوى الشركة من خلال موضوعك وكمان لو اتأثر بكلامك هتقدر تكسب منه.
10-في كلمات يحظر عليك الضغط عليها احنا عايزين المكسب حلال 100% عشان ربنا يبارك لنا فيه.


وكده نبقي خلصنا شرحنا انتظرونا في شروحات اكتر وافيد من كده
السلام عليكم ورحمة الله وبركاتة